... الحالة تعبانه

هاد مرة موظف معصب وقف عند السمان اللي
في حارتهم ..واشترى شوية اغراض وعند ما طلب من السمان أنو يسجل الاغراض عليه بالدين
رفض السمان وقال له ما بتعامل انا إلا بالكاش موني فقال له الموظف متعجب: بدك
كاش؟؟
قال له السمان أي ليش لأ؟
: فجاوبو الموظف
لأنو الكاش غير متوفر بالأسواق المحلية
لأنه تجمع بأيدي شلة من الحرامية
والحرامية صارو كثار
والكثرة غلبت الشجاعة
والشجاعة كنز لا يفنى
والكنز موجود بالمغارة
والمغارة ما بتفتح إلا لعلي بابا والأربعين حرامي
والأربعين حرامي صارو ملايين
والملايين تندفع لضعاف النفوس رشوة
والرشوة صارت حق
والحق يا حسرتي ضاع
والأكل ما عاد منو غذاء
والغذاء مقابل النفط
والنفط جاب البلا على روسنا
وروسنا تمرمطت بالأرض
والأرض مقابل السلام
والسلام صار استسلام
والاستسلام ضيّع الكرامة
والكرامة خسر قدام الوحدة
والوحدة صارت حلم
والحلم سيد الأخلاق
والأخلاق تحولت لنفاق
والانفاق جمع نفق
والنفق لازم يتكمّل
وعلشان يتكمّل بدو متعهد بناء صالح
وصالح ما عاد هالأيام
وهالأيام صارت المفاهيم مقلوبة
والمقلوبة بدها بيتنجان ولحمة
واللحمة ماعادت تفوت لبيت الفقرا ولو نطحو الحيطان
والحيطان صار إلها أذان
والأذان معبية البلد
وهالبلد صار اللي بيحكي فيها يوكل هوا
والهوا صار فيه تلوث
والتلوث عشعش بالنفوس، والسجل المدني والقضاء
وللقضاء على القضاء صار بدو قضاء وقدر
والقدر علينا مكتوب
والمكتوب ما في منو هريبة
والهريبة ثلثين المراجل
والمراجل ما عادت لكل واحد
وكل واحد إلو ساعة
والساعة آتية لا ريب فيها
يوم يأخذ كل ذي حق حقه اللي شفطه منه في الدنيا
وعلى الدنيا السلام مشان الحصول على الأختام
والأختام عند المدام
والمدام كانت
من هالبلد وهلأ صارت روسية شقرا
والشقرا بتهز الأرض
والأرض بتتكلم عربي
والعربي ماحدا بيقدر عليه غير الله
والله اذا منضل على هالحالة لتسحبنا الكلاب
والكلاب أحسن من البني آدم
وآدم علق علقة مسخمة مع حوا
وحوا ما بتعرف غير كلمة بدي
وبدي ألعن أبو هالحالة
...بطلت اشتري

ملطوش :)